Давлетов Каныбек Арипович

1957

График. Кыргыз Республикасынын маданиятына эмгек сиңирген ишмер. 1957-жылы 13-мартта Куланак айылында туулган. 1978-жылы Фрунзе көркөм сүрөт окуу жайын, 1987-жылы Москвадагы В. И. Суриков атындагы мамлекеттик институтун аяктаган, 1992-жылы Кыргыз Республикасынын Сүрөт академиясынын аспирантурасын. Кыргыз Республикасынын Илимдер Академиясынын доценти. 1990-жылдан СССР көркөм сүрөт союзунун мүчөсү. Давлетовдун чыгармаларында адамдын жашоосу жөнүндөгү философиялык ойлор камтылган. Ал өзүнүн руханий бай жан дүйнөсүн чагылдырган чыгармаларды жаратат. Мольберттик живописте да ийгиликтүү иштейт. Чыгармалары Кыргыз улуттук Г.Айтиев атындагы көркөм сүрөт музейинде, ошондой эле КМШ өлкөлөрүнүн музейлеринде, Германиянын Көркөм академиясында, чет мамлекеттердеги жеке коллекцияларда сакталат. Республикалык жана эл аралык көргөзмөлөрдүн катышуучусу.

Сайт Сорос-Кыргызстан фондунун колдоосу менен иштелип чыккан. Сайтта айтылган пикирлер Сорос-Кыргызстан Фондунун көз карашын чагылдырбайт.

Сайттын материалдары Creative Commons CC BY-NC 4.0 ачык лицензиясынын алдында жеткиликтүү ("Attribution - Коммерциялык эмес колдонуу"), үчүнчү жактарга, Гапар Айтиев атындагы Кыргыз улуттук сүрөт өнөр музейине милдеттүү түрдө шилтеме берүү менен чыгармаларды коммерциялык эмес максатта колдонуу укугун, билим берүү максатында көчүрүү, иштетүү, ыңгайлаштыруу мүмкүнчүлүгүн берет жана бардык менчик укуктар КУСӨМ артында калат.